دكتور نبيل فاروق
الكاتب الدكتور نبيل فاروق ابن من ابناء مدينة طنطا ولد في ٩ فبراير ١٩٥٩ وتوفي في يوم ٩ ديسمبر ٢٠٢٠
الكاتب الكبير دكتور "نبيل فاروق"، اللي كان له تأثير عميق في الأدب البوليسي والخيال العلمي في مصر والوطن العربي. هو كان له دور بارز في تشكيل وعي وثقافة عدد كبير من الشباب المصري من خلال كتاباته.
نبيل فاروق والشباب
"نبيل فاروق" كان اسم مهم في عالم الأدب، وكان له دور كبير في تنشئة جيل كامل من الشباب في أواخر الثمانينات وأوائل التسعينات على حب القراءة.
ومن المثير إن في فترة طفولته كان هو اللي بيحرر الصحيفة المدرسية في مدرسته، ولما دخل أولى ثانوي، حصل على جائزة قصر الثقافة في طنطا عن قصة "النبوءة"، اللي نُشرت بعد كده في أول عدد من سلسلة "كوكتيل 2000".
والده كان دايمًا يشجعه على تطوير موهبته في الكتابة من غير ما يأثر على اهتمامه بالدراسة، وده خلاه يتفوق ويدخل كلية الطب جامعة طنطا وتخرج منها سنة 1980.
صورة لدفعة طب طنطا لعام 1980 مع عميد الجامعة وقتها عبد الحي مشهور
في الصورة يظهر د. (نبيل فاروق) في أقصى اليمين . وفي المنتصف د. (ياسر الجندي) رحمه الله ، الذي كتب عنه د. أحمد مقاله الشهير (ياسر و بطاطا وأشياء أخرى)
بعد التخرج، سافر لمحافظة قنا، وبالتحديد قرية "أبو دياب"، وهناك زاد شغفه بالقراءة والكتابة. في نفس الوقت، كانت المؤسسة العربية الحديثة للنشر لسه في بدايتها، وصاحبها الأستاذ "حمدي مصطفي" قرر إنه ينشر الثقافة بين الشباب، وعمل مسابقة أدبية اشترك فيها دكتور "نبيل" بالصدفة من خلال صديق له بعت له قصة من غير ما يقوله. وكانت المفاجأة إن القصة، اللي اسمها "أشعة الموت"، حصلت على المركز الأول، وكانت أول عدد من سلسلة "ملف المستقبل".
قد يعجبك ايضا
أهم أعماله
دكتور "نبيل" كان دايمًا مهتم بفكرة وجود نموذج يحتذي به الشباب، وكان شايف إن غياب النموذج ده لصالح أبطال أجانب في الأعمال الدرامية الأمريكية أو القصص المصورة الغربية لازم يتعالج. ومن هنا جات فكرة سلسلة "رجل المستحيل" والبطل "أدهم صبري"، اللي حققت نجاح كبير عند القراء.
بعد نجاح السلسلتين، قرر دكتور "نبيل" يتفرغ للكتابة ويترك مجال الطب، وبدأت إبداعاته تتوالى، زي "كوكتيل 2000"، و"زهور"، و"زووم"، و"فارس الأندلس"، وغيرهم. كتب أكتر من 500 عدد في سلاسل أدبية متنوعة، بجانب مقالاته في الصحف المصرية والعربية.
مفيش كاتب مخلص لقلمه ولجمهوره بيموت، هو بيعيش في حروفه وكلماته اللي غيرت حياة كتير من الناس. ربنا يرحم دكتور "نبيل فاروق"، الكاتب العظيم اللي كان له دور مؤثر في تشكيل وعي ملايين الشباب وحبهم لبلدهم.